Zäme mit em Jodlerklub Sieche hei mir das Jahr ds Oberemmitalische Jodlertreffe düregfüehrt. Hie gseht dir es paar Ihdrück vo hinger de Kulisse. 

Mir danke aune Häufer u Sponsore für ihri Ungerstützig.

Mir hei das Jahr am Bärnisch Kantonale Jodlerfescht ds Brienz teugno. Mit em Lied Abezyt vom Hannes Fuhrer hei mir bereits am Samschtigvormittag üse Uftritt gha. Bi houptsächlich schönem Wätter hei mir der Tag zäme chönne gniesse. Am Abe isch es Gwitter cho u teu vo üs sy ewakuiert worde, trotzdem isch d Stimmig guet gsy. Mir hei e wunderschöne u luschtige Tag dörfe erläbe (u paari o no e luschtegi Nacht).

Dankä Brienz!

Am Sunntig Abe sy mir ufem Hüpfebode bir Marlies iglade gsy. Mir hei zäme e gmüetliche Abe gha u viu chönne lache. Es het viu u guets Ässe u Treiche gäh. Faus de die einti oder angeri itze nümme id Tracht passt, wärs de wäge dessi.

Merci viu Mau, Marlies & Bärnu!