Impressione vo diverse Uftritte

Konzert

Für üses hürige Konzert hei mir üs mitem Thema Zahle usenang gsetzt. Am meischte blibe hange isch äuä d Zau vo üsem Durchschnittsauter, 48i... obwou mir üs aui wäsentlich jünger füehle.

Mir danke üsne Gescht, dä ländler.ch, am Jodlerchörli Gränzelos u de Turmjutzer vo hie u dert für ds Berichäre vo üsem Konzert.

 

Jodlerreis

Zum erschte Mau ir Vereinskarriere sy mir uf ne 2-tägegi Jodlerreis gange. Die het üs bi nid so schönem Wätter iz umso schönere Appizäu gfüehrt. Dert hei mir d Appizäuer Aupebitterfabrigg besichtiget u sy dernah no chli ds Appizäu desume glaueret. Nacheme churze Zimmerbezug im Hotäu sy mir i Schnuggebock gah Znacht ässe. Dert isch nid nume ds Ässe es absoluts Highlight gsy, sondern o ds ganze Drum u Drah. Die wo nach däm feine Znacht no hei möge sy id Staubar u no lang nid iz Bett...u ig ha mir lah säge, tiu Froue heigi sech ersch am Sunndig im Car id Horizontale begäh. Am Sunndig sy mir nacheme feine Zmorge u gmüetlichem zäme sy no iz Bruchtummuseum gange. Dert hei es paar Froue ihres musikalische Talent chönne unger Bewiis steue.  

Merci Froue für die erinnerigsträchtegi Reis. Mir wei o üsem Chauffeur merci säge: "Danke Tinu, dass du üs so tapfer ertreit hesch." U natürlich es grosses Merci a aui wo nis ufeme Tiu vo dere Reis begleitet, gfüehrt, bewirtet u ufgnoh hei.

Danke viu Mau.

Kontakt

Frau

Christine Zürcher 

Heiteregg 161

3533 Bowil

Tel. 034 491 41 47

Handy: 079 504 69 80

E-Mail: christine.zuercher@bluewin.ch